My people, the time don reach for us to carry Ikorodu go the next level! No be today we start this journey of progress, and una sabi say na work we dey do, no be noise.
Hon. Adebowale Adebola Ajayi, the man wey don stand gidigba as Leader of the Legislative Arm, is ready to do even more for Ikorodu Local Government.
He has been the voice of the people, championing human capital development, pushing progressive legislations, and delivering real community-oriented projects we all can see. Now, we need to join hands and make him our next Chairman!
This na man wey no just talk, but dey deliver! From empowering our youths with real skills wey dey put food for table, to ensuring better roads, healthcare, and education, Hon. Ajayi don show say leadership na service.
Under him, we go see real development wey go touch every Ward—Eyita to Elepe, Solomade to Gberigbe! Imagine an Ikorodu where businesses dey grow, where our markets dey shine, where light no go blink like disco, and where security go dey solid.
E fit happen! E must happen!
For years, Hon. Ajayi don fight for better policies wey favor the common man. E no just sit down for office; e dey enter street, e dey reason with the people, e sabi our struggles.
This na leader wey go put Ikorodu people first, no be personal pocket. He get the experience, he get the vision, and he get the mind to make things better.
Na this kind person we need for front, no be trial and error.
Ikorodu no be for backseat; we be powerhouse for Lagos! Na why we need strong leadership wey go carry us enter new era of development. Better roads, clean environment, quality education, job opportunities, support for our market women, and real empowerment for our youths—Hon. Ajayi don ready to deliver! But e no fit do am alone.
We must stand with am, we must support am, we must vote am in!
My people, make we no slack. This na our opportunity to put person wey sabi work, wey get the heart, and wey go truly make Ikorodu better. Let’s unite, let’s move forward, let’s make history!
Hon. Adebowale Ajayi for Chairman—Na Better We Want, Na Better We Go Get!
